احدث ما انتجت الجزائر من نكت

السلام عليكم ورحمة الله وبركاته

كالعادة الجديد حاضر

اترككم تستمتعون
1* قالك واحد الخطرة الذيب حكماتو كرشو (حاشاكم) مالا دار كاكا كي كمل مسح بال9نينة (الارنب) .مالا الارنب راح شكا للسبع (الاسد) .السبع عيط للحيوانات تاع الغابة ودار المحاكمة كي سقسى الذيب علاش دار هكذا قالو ما لقيت حتى حاجة قدامي .ايا قالك بعد المداولة نطق السبع قالو للذيب حكمت عليك المحكمة 6 شهور تمسح بالقنفوذ.

2* قالك كاين واحد مشحاح (بخيل) كلما يدخل للدار تقولو مرتو اعطيني المصروف يقولها ما كانش الدراهم مالا تقلقت قالتو اعطيني الدراهم ولا طلقني قاللها شوفي يا امرة كي ندخل للدار ونقولك السلام عليكم اعرفي بلي عندي الدراهم واطلبي واش تحبي .مالا قالك قعد عام كل ما يدخل ما يتكلمش .ايا قعدت المراة ديالو تتخمم واش دير واحد الخطرة عساتو كي كان يصلي غير لحق للتحية بدا يشهد غير جا يسلم وقفت على اليمين ديالو غير كمل الصلاة دار لليمين قال صبح الخير عليكم ودار لليسار قال صباح الخير عليكم.

3* قالك خطرة واحد القائد تاع العسكر راح لوحد لبلاد لقى الجيش منظم والعسكر مدربين عجبوه وغار مالا بعد مدة عرض القائد تاعهم كي جاء عندو لقا العسكر كامل رايبين وبدا يوريلو شوف مالا هذاك القائد العسكري لي يدربو يطيح قالو اواه هذو مبركلين مالا زعف وحكم حديدة وراح عند وحد العسكري وبدا يضرب فيه للصباعتين (الاصابع) تاع الرجلين والعسكري واقف مالا فرح راح للقائد قالو شوف هاو عسكري صحيح مالا عجبو وكي راح هذاك القائد لعند العسكري قالو نستعرف بيك حمرتلي وجهي بصح كيفاش كنت تحس كي كنت نضرب فيك .قالو عادي . قالو القائد كيفاش عادي .قالو العسكري يا حضرات انا ما كنتش تقيسني انا نلبس 38 وهوما جابولي صباط 44.

4* قالك خطرة فيل تزوج مع نملة وبعد 3 اشهر داربو قاللها انت طالق بدات تبكي قالتو هكذا يهون عليك الحب تاع 5 سنين بصح ما عليش وهذا الفيل اللي في بطني واش هو ذنبو

5* قالك وا حد خطرة راح للطبيب قالو راني نحس روحي سردوك (ديك) قالو الطبيب من وقتاش وليت تحس روحك سردوك قالو ملي كنت فلوس

اتمنى ان تنال اعجابك في انتظار الجديد

تقبلو مني اجمل التحيات